آوا - کابل: د تکواندو فدراسیون په ایکس ټولنیزه پاڼه کې لیکلي چې د تکواندو د ملي لوبډلې کپتان محسن رضايي د پاکستان او سعودي عربستان پنځو سیالانو ته په ماتې ورکولو سره د سرو زرو مډال ګټلی دی.

 

دغه فدراسيون دغه راز زياته کړه چې علي اکبر اميري خپلو مصري او پاکستاني سيالانو ته په ماتې ورکولو سره د هېواد لپاره د سرو زرو دويم مډال وګاټه.

 

د يادونې وړ ده، چې د پاکستان په کوربه توب د نړۍ د ۲۳ هېوادونو ترمنځ د «G2» په نوم د اسيا د تکواندو د پرانيستې سيالۍ له دوو ورځو راهيسې په اسلام اباد کې پيل شوې دي.