په فراه او بادغیس کې د اسلامي امارت سیمه ییز چارواکي وايي، د ملګرو ملتونو د کډوالو عالي کمېشنرۍ (UNHCR) په سلګونو بې ځایه شویو کورنیو سره د خوراکي توکو او نغدو پیسو مرسته کړې ده.
د ملګرو ملتونو له خوا په فراه او بادغیس کې له سلګونو کورنیو سره د خوراکي توکو او نغدو پیسو مرسته وشوه
25 میزان 1402 ساعت 10:43
په فراه او بادغیس کې د اسلامي امارت سیمه ییز چارواکي وايي، د ملګرو ملتونو د کډوالو عالي کمېشنرۍ (UNHCR) په سلګونو بې ځایه شویو کورنیو سره د خوراکي توکو او نغدو پیسو مرسته کړې ده.
آوا - کابل: د اسلامي امارت د کلیو د بیارغونې او پراختیا ریاست وايي، چې د دغه ولایت په پشترود ولسوالۍ کې پر ۱۱۷۶ اړمنو کورنیو خوراکي توکي وویشل شول.
په همدې حال کې په بادغیس کې د اسلامي امارت مطبوعاتي دفتر وايي، چې د ملګرو ملتونو د کډوالو د عالي کمیشنرۍ (UNHCR) له لوري په ۴۵ داخلي بې ځایه شویو کورنیو نغدي وویشل شول.
د خبرپاڼې له مخې پر دغو کورنیو څه باندې ۱۵۹۰ زره افغانۍ وویشل شوې.
په بادغیس کې د اسلامي امارت مطبوعاتي دفتر وايي، د دغه ولایت مرکز قلعه نو ښار کې پر ۳۵ بې ځایه شویو کورنیو نغدي مرستې وویشل شوې.
ویل کېږي چې د ډنمارک د کډوالو شورا له لوري پر ۳۵ کورنیو ۵۴۰ زره افغانۍ وېشل شوې دي.
تر دې وړاندې هم مرستندویه بنسټونو د هېواد په بېلابېلو سیمو کې پر هېوادوالو مرستې وېشلې دي.
د مطلب کود: 278550