په ننګرهار ولایت کې سیمه ییزو سرچینو خبر ورکړی، چې د مهاجرت نړیوالې ادارې (IOM) د دغه ولایت په بهسودو ولسوالۍ کې د زده کوونکو لپاره یو ښوونځی جوړ کړی دی.

آوا - کابل: دغه ښوونځی چې ۱۴۵ زره امریکایی ډالره لګښت پرې راغلی، د ۸ میاشتو په موده کې جوړ شو.
 
د ننګرهار ولايت د پوهنې رئيس حبيب حضرت حقاني وايي، ياده ودانۍ د اتو مياشتو په موده کې جوړه شوې او اته درسي ټولګي، څلور اداري خونې او نور ملحقات لري.
 
د ننګرهار د پوهنې رييس زياته کړه چې د دغې ودانۍ په جوړېدو سره د لسګونو زده کوونکو د سرپناه ستونزه هواره شوې ده.
 
دا په داسې حال کې ده، چې څه موده وړاندې د مهاجرت نړيوال سازمان په دغه ولايت کې د نجونو د يوه ښوونځي د زده کوونکو لپاره ودانۍ جوړه کړې وه.