د افغانستان د ښځو د والیبال ملي لوبډله نن (شنبه، میزان ۸) په چین کې د اسیایي سیالیو په لړ کې د قزاقستان له لوبډلې سره لوبه کوي.

آوا: دا د چین د هانګزو په سیالیو کې د افغانستان د ښځینه والیبال ملي لوبډلې لومړۍ لوبه ده.
 
په همدې حال کې کیمیا یوسفي، چې په اسیایي لوبو کې د افغانستان استازیتوب کوي، د جمعې په ورځ د ۱۰۰ مترو په ځغاسته کې وروستی ځای خپل کړ.
 
هغې ای اېف پي ته وویل، په اسیايي سیالیو کې د افغان نجونو استازیتوب تر رتبې ډېر مهم و.
 
د کیمیا یوسفي په ګډون ۱۴ ښځینه ورزشکارانو د افغانستان په استازیتوب په اسیایي سیالیو کې ګډون کړی دی.