آوا - کابل: یان اګلنډ (چهارشنبه، سنبلي ۲۲) په ایکس پاڼه کې په یو شمېر پیغامونو کې لیکلی چې اوسمهال د افغانستان خلک تر بل هر وخت د نړیوالې ټولنې مرستو ته اړتیا لری.

 

ایګلند زیاته کړه چې د ناروې د کډوالو شورا کارکوونکي چې ښځې هم پکې شاملې دي، په مستقیم ډول په افغانستان کې نارینه او ښځو ته بېړنۍ مرستې رسولي دي.

 

د ناروې د مهاجرت شورا مشر همدا راز زیاته کړه، په داسې حال کې چې د مرستندویه بنسټونو لوړپوړو چارواکو پرون د افغانستان په اړه غونډه وکړه، په دغه هېواد کې بشري وضعیت خورا د اندېښنې وړ بلل شوی دی.

 

په همدې حال کې یوشمېر مرستندویه بنسټونه په افغانستان کې د بشري مرستو د وېش په برخه کې د بودیجې له نشتوالي خبر ورکوي.