آوا: ویل شوي، چې د دغو پروژو په عملي کېدو سره به سلګونه جریبه کرنیزو ځمکو ته د اوبو رسولو ترڅنګ لسګونه کورونه هم د سېلابونو له خطر څخه خوندي شي.

 

د باختر آژانس دخبرله مخې: د دايکنډي د اقتصاد رييس محمدالله اقبال وويل چې د دغو پروژو د عملي کولو لپاره د ملګرو ملتو پراختيايي اداره څه دپاسه يوولس مليونه افغانۍ لګښت لري او د دغو پروژو کار به په شپږو مياشتو کې بشپړ شي.

 

ویل شوي، چې دغه پروژې به د دایکندي په مرکز او استرلي ولسوالیو کې جوړې شي.