د بلخ ولايت د رسنيو مرکز د دغه ولايت د دولتي تاسيساتو او سړکونو د نوم د بدلولو په موخه د يوې کمېټې د جوړېدو اعلان وکړ.

آوا - مزارشریف: د بلخ ولایت د رسنیو مرکز اعلان وکړ چې د دغه ولایت د مرستیال والي او د دولتي ادارو د مسوولینو په شتون کې د دغه ولایت د دولتي تاسیساتو او څلورلارو د نوم د بدلولو په موخه یوه کمېټه جوړه شوه.
 
په دغه راپور کې ویل شوي چې د بهرنیو چارو وزارت د حکم له مخې باید د دولتي تاسیساتو، حساسو ځایونو او تقاطع نومونه بدل او د اسلامي امارت د شهیدانو په نوم ونومول شي.
 
د دغه رپوټ له مخې د دغه حکم د عملي کولو لپاره لومړني ګامونه پورته شوي دي.