په افغانستان کې د اروپایی ټولنې د ماموریت مشر اعلان وکړ چې سل ټنه طبي توکي او درمل د کابل د هوايي ډګر له لارې کابل ته را رسېدلي دي.

آوا - کابل: په افغانستان کې د اروپايي ټولنې د ماموریت مشرې رافائلا آیودیس په یوه ټوېټ کې لیکلي چې د دغو مرستو رارسیدل د افغانستان له خلکو سره د اروپايي ټولنې پیوستون دی.
 
اروپايي ټولنې تر دې وړاندې هم افغانستان ته د هوايي پل له لارې درمل او طبي توکي لېږدول.
 
په افغانستان کې د اسلامي امارت له بیا رامنځته کیدو او د نړیوالې ټولنې له خوا د مرستو له ځنډیدو وروسته اروپايي ټولنې د بشري مرستو لیږلو ته دوام ورکړی دی.