افغان سرې میاشتې د کابل روغتونونو ته د درملنې په موخه ۴۰ تنه د زړه سوري لرونکي ماشومان معرفي کړي دي.

آوا - کابل: نن چهارشنبه (سرطان ۲۱) د افغان سرې میاشتې ریاست مطبوعاتي دفتر وايي چې افغاني سرې میاشتې ۴۰ نور ماشومان چې د زړه په سوري ناروغۍ اخته وو د درملنې او عملیاتو په موخه دوو روغتونونو ته استولي دي.
 
افغان سرې میاشتې د ۱۳۹۲ کال په وروستیو ۱۱ میاشتو کې د زړه په ناروغیو اخته ماشومان د درملنې او عملیاتو لپاره بېلابېلو روغتونونو ته معرفي کړل او د درملنې ټول لګښت یې د افغان سرې میاشتې په غاړه دی.
 
د يادونې وړ ده، چې تر دې وړاندې هم د جرمني خيريه موسسو له خوا دغه هېواد ته د زړه سوري لرونکي ماشومان د درملنې لپاره لېږل شوي وو.