د افغان سرې میاشتې ټولنې اعلان وکړ چې د زړه د سوري په ناروغۍ اخته ۳۰ تنه نور ماشومان د جراحۍ او درملنې لپاره په کابل کې یوه داخلي روغتون ته معرفي شوي دي.

آوا - کابل: د افغاني سرې میاشتې ټولنې د یوې خبرپاڼې په خپرولو سره ویلي چې په تیر کال کې په دې ناروغۍ اخته څه د پاسه ۱۳۵۲ ماشومان د درملنې په موخه بېلابېلو روغتونونو ته لیږدول شوي دي.
 
باید وویل شي، چې په وروستیو کلونو کې په افغانستان کې د ماشومانو د زړه د سوري ناروغۍ زیاتې شوې دي.
 
په تېرو دوو لسیزو کې لسګونه ماشومان د زړه د سوري له امله جرمني ته د درملنې لپاره استول شوي دي.