د افغانستان د آزادو خبريالانو ټولنې د مطبوعاتو د نړيوالې ورځې په مناسبت په بلخ کې د آوا خبريالې رحيمه يزداني ته د ستاينليک ورکړ.

آوا - مزارشریف: دغه جایزه په بلخ کې د آوا خبریالې رحیمې یزدانی د بیان د آزادۍ د خبرولو او پراخولو په برخه کې د اغیزمنو فعالیتونو په خاطر ورکړل شوه.
 
په دغه ستاينليک کې ويل شوي دي: د افغانستان د آزادو خبريالانو ټولنه د خبريالانو د حقونو او د بيان له آزادۍ څخه د دفاع د يوې موسسې په توګه په دې مناسبت د بيان د ازادۍ د خبرولو په بهير کې ستاسو له اغيزمن فعاليت څخه مننه او قدرداني کوي.
 
په دغه ستاينليک کې همدا راز ټينګار شوى دى: هيله ده چې د بيان د آزادۍ د خبرولو او پراخولو له بهير څخه د ملاتړ په خاطر تل د روښاني ارزښتونو پربنسټ ملاتړي واوسئ.
 
دا په داسې حال کې ده چې د آوا ژورنالیستانو تل د ټولنې د خبرولو، پوهولو او بیدارولو لپاره کار کړی او خپلو فعالیتونو ته به دوام ورکړي.