د اسلامي امارت د بهرنیو چارو وزارت وايي چې افغان اتباعو ته به د چین د ویزو ورکولو بهیر د ثور په ۱۳ مه پیل شي.

آوا - کابل: د اسلامي امارت د بهرنیو چارو وزارت د ویاند مرستیال حافظ ضیا احمد نن (یکشنبه، ثور ۱۰) په یوه ټوېټ کې لیکلي چې د چین د ویزې غوښتونکي کولای شي د سفارت له لارې د ویزې غوښتنه وکړي.
 
د افغان اتباعو لپاره د چین د ویزو بیا پیلول له بیجینګ څخه د اسلامي امارت له غوښتنو څخه ده.
 
کابل له بیجینګ غوښتي چې د افغان سوداګرو لپاره اسانتیاوې برابرې کړي.