د ميدان وردګ ولايت له طبيعي پېښو سره د مبارزې رياست وايي، په دغه ولايت کې د يوې چاودنې له امله درې ماشومان وژل شوي او دوه نور ټپيان دي.

آوا - کابل: د میدان وردګو ولایت د طبیعي پېښو پر وړاندې د مبارزې رییس رسنیو ته ویلي، چې تېره ورځ د هاوان مرمۍ د چاودیدو له امله درې ماشومان وژل شوي او دوه نور ټپیان شوي دي.
 
دغه پېښه تېره ورځ ماسپښين شاوخوا درې بجې د دې ولايت د سيداباد ولسوالۍ په دشت ټاپ سيمه کې رامنځته شوې ده.
 
د يادونې وړ ده، چې د افغانستان په ډېرو سيمو کې ناچاوده ماينونه ماشومان وژني.