د برښنا شرکت وايي، چې تېره شپه ۷ بجې د پلخمري - کابل ۲۲۰ کیلوواټه وارداتي برېښنا په لاره کې د تخنيکي ستونزې له امله د کابل او د ځینو ولايتونو برېښنا پرې شوي.

آوا - کابل: د نوت برښنا شرکت تېره شپه د ثور میاشتې په ۶ مه نېټه اعلان وکړ چې د پلخمری - کابل د لارې د ۲۲۰ کیلوواټه وارداتی برېښنا مزی پرې شوی دی.
 
دغه شرکت وايي چې دا ستونزه لنډمهاله ده او دوی هڅه کوي چې ژر یې حل کړي.
 
د برېښنا شرکت وايي، چې اوس په کابل کې برېښنا په کور دننه تولیدېږي او ډېری امنیتي سیمې او روغتونونه ترې ګټه اخلي.
 
په اعلامیه کې د برشنا شرکت له خلکو غوښتي چې صبر وکړي او ډېر ژر به تخنیکي ستونزه هواره او د پلازمېنې اوسېدونکو ته به برېښنا وصل شي.