ملګري ملتونه خبرداری ورکوي چې د افغانستان په ګډون یو شمېر هېوادونه د قحطۍ له ګواښ سره مخ دي.

آوا - کابل: ملګري ملتونه وايي چې د افغانستان په ګډون د نړۍ په یو شمېر هېوادونو کې د پام وړ خلک له قحطۍ سره مخ دي.
 
ملګرو ملتونو پرون (شنبه، حمل ۱۹) په خپل ټویټر کې لیکلي چې پر افغانستان سربېره سومالیا، ایتوپیا، یمن، نایجریا، جنوبي سوډان، بورکینا فاسو او هایتي هم له بې ساري قحطۍ سره مخ دي.
 
تر دې مخکې د ملګرو ملتونو نورو ادارو ویلي وو چې شاوخوا شپږ میلیونه افغانان د قحطۍ له خطر سره مخامخ دي.