آوا: نړیوالو رسنیو د فلسطین د روغتیا وزارت په حواله خبر ورکړی، چې د لویدیځې غاړې په جنین ښار کې د اسرائیلي پوځیانو په برید کې درې تنه وژل شوي دي.

 

ويل شوي دي چې اسرائيلي ځواکونو د فلسطيني جنګياليو د نيولو په پلمه د جينين په کمپ بريد وکړ او د کمپ په اوسېدونکو يې ډزې وکړې، خو د فلسطيني جنګياليو له مقاومت سره مخامخ شول.

 

فلسطیني رسنیو دا هم ویلي چې د اسلامي جهاد غورځنګ د پوځي څانګې د قدس لوا له ځواکونو څخه «نیدل خزیم» او «یوسف الشریم» د حماس د اسلامي غورځنګ د پوځي څانګې القسام له لوا څخه دي. په جينين ښار کې د نن ورځې په بريد کې شهيدان شوي دي

 

دا په داسې حال کې ده چې څو ورځې مخکې صهیونیسټی پوځیانو د جنین په کمپ په چاپې سره یو شمېر فلسطینیان ووژل.