آوا - د افغانستان په چارو کې د روسیې د ولسمشر ځانګړی استازی ضمیر کابلوف وايي، روسي چارواکو په روسیه کې د افغانستان د سفارت د کارکوونکو د شمېر د زیاتولو اجازه ورکړې ده.

 

د افغانستان د ګاونډیو هېوادونو د خاصو استازو لومړۍ غونډه د سه شنبې په ورځ په تاشکند کې جوړه شوه. په دې غونډه کې د ازبکستان، ایران، چین، پاکستان، روسیې، تاجکستان او ترکمنستان استازو حضور درلود.

 

کابلوف د غونډې په څنډه کې وويل: "موږ د سفارت د کارکوونکو د زياتولو اجازه راکړه، پخوا يو کس و، اوس درې تنه دي."

 

ده همداراز زیاته کړه: روسیه افغانستان ته د نفتو د صادراتو په اړه تړونونه عملي کوي او د دغو صادراتو د زیاتوالي امکان د کابل په غوښتنه پورې اړه لري.