د اسلامي امارت مسؤلین وايي، د فابریکو وده او د کورنیو تولیداتو د کچې لوړول موږ ته د ځان بسیاینې یوازینۍ لار ده

آوا - کابل: د اسلامي امارت ویاند ذبیح الله مجاهد په یوه ټویټ کې د هیواد له صنعتکارانو څخه د کورنیو تولیداتو د کچې د لوړولو غوښتنه کړې او له خلکو یې غوښتي چې له کورنیو سرچینو ګټه واخلي.
 
دا څرګندونې په داسې حال کې کېږي، چې په هېواد کې له وروستي سياسي بدلون وروسته د ډېرو فابريکو خاوندانو خپل کارونه بند کړي او د کورنيو توليداتو کچه په بې ساري ډول ټيټه شوې ده.
 
اوس خو د حکومت اقتصادي څانګې هڅه کوي چې دغه فابریکې بېرته فعالې کړي، څو له یوې خوا هېواد د خودکفايي پر لور ولاړ شي او له بلې خوا خلکو ته د کار زمینه برابره شي.