د اسلامي امارت د استخباراتو عمومي ریاست وايي، د داعش یو فعال غړی یې نیولی چې د شیعه ګانو په یوه جومات کې یې د ځان وژنې پلان درلود.

آوا، د اسلامي امارت د استخباراتو ریاست نن چهارشنبه (سرطان ۲۹) اعلان وکړ چې نیول شوی کس په ابو خالد مشهور په ټولنیزو شبکو کې فعال و او د ټیلیګرام له لارې یې د داعش لپاره جلب او جذب کاوه.
 
د اسلامي امارت د استخباراتو له خوا په خپره شوې ویډیو کې نیول شوي کس اعتراف کړی چې د شیعه ګانو پر ضد یې د ځانمرګي برید پلان جوړ کړی و.
 
د اسلامي امارت له جوړېدو وروسته د شیعه ګانو جوماتونه او عامه ځایونه څو ځلې د خونړیو بریدونو هدف ګرځېدلي دي.
 
داعش تر ډېره د دغو بریدونو مسئولیت منلی دی.