د اسلامي امارت سرچینو خبر ورکړی چې ۷ تنه علمي کادرونه د وطن د خدمت په موخه له بهر څخه راستانه شوي او د کمیسیون له رئیس مولوي شهاب الدین دلاور سره یې لیدلي او خبرې اترې کړي دي.

آوا - کابل : د کانونو او پټرولیم وزارت سرپرست او د کمیسیون رئیس شیخ شهاب الدین دلاور د هېواد له هغو اوو تنو ساینسي کارکوونکو سره چې له ډېرو کلونو وروسته افغانستان ته راستانه شوي او د خلکو په خدمت کې دي، وکتل.

د اووه کسیزې ډلې راستنېدل چې د کابل د هوايي ډګر د چارواکو له خوا یې تود هرکلی وشو، د افغانستان راتلونکي ته هیلې زیاتې کړې.

په همدې حال کې په مزارشريف ښار کې هم ويل کېږي چې يو شمېر کورني پانګوال له بهر څخه راستانه شوي او د بلخ ولايت په صنعتي پارک کې چې له څه مودې راهيسې غير فعاله وو خپلې فابريکې بېرته پرانېزي.