د ننګرهار امنیه قوماندانۍ مسولین وايي د جنایي جرمونو پر وړاندې د مبارزې پولیسو يې تېره شپه د جلال اباد ښار اتمې ناحیې په سیمه کې د شفیق په نوم یو تن د خپل پلار ښایسته خان د قتل په تور نیولی دی .

دوي زیاتوي شفیق اعتراف کړی چې تېره شپه یې خپل پلار د اتمې ناحیې په سمسور اباد سیمه کې پخپل کور کې په ډزو سره وژلی دی .

د ننګرهار امنیه قوماندانۍ وايي په ورته وخت کې د شینوارو ولسوالۍ د جنایي جرمونو پر وړاندې د مبارزې پولیسو دوه تنه د بټي کوټ ولسوالۍ په مربوطاتو کې د یو څآروي د غلا په تور ونیول چې پخپل جرم یې اعتراف هم کړی دی .