د پکتیکا په وازیخوا او ارګون ولسوالیو کې اته وسله وال وژل شوي او اووه نور ټپیان دي.
د ۲۰۳ تندر قول اردو ویاند ایمل مومند وایي چې په تیره شپه وسله والو د پکتیکا وازیخوا مرجاني او ارګون ولسوالۍ شیخانو سیمو کې د افغان ځواکونو پر پوستو بریدونه کړي چې په شا تمبول شوي.
مومند زیاتوي چې د وسله والو په دغه بریدونو کې امنیتي ځواکونو ته زیان نه دی رسیدلی او په ځوابي ډزو کې اته وسله وال وژل شوي او اووه نور ټپیان دي.