د زابل د والي ویاند ګل اسلام سیال په دی اړه ویلي چې په‎دغه برید کې د وسله‎والو طالبانو یو موټر په نښه شوی دی.
د ښاغلي سیال په خبره په وژل شوېو طالبانو کې د هغوی مهم قوماندانان هم شامل دي.
سیال زیاته کړه:
"د شنبې په مازدیګر د هوایي قواوو په یوه برید کې د وسله‎والو طالبانو ۹ تنه وژل شوي چې مهم قوماندانان هم په‎کې شامل دي او پنځه نور یې ټپیان شوي دي."
د زابل چارواکي وایي، په‎دغه برید کې د طالبانو یو شمېر سپکې او درنې وسلې او مهمات هم له‎منځه تللي دي.
طالبانو تراوسه په‎دې اړه تبصره نه‎ده کړې.