مقامات پارلمانی کابل و دوشنبه خواستار گسترش همکاری و اجرایی کردن طرح‌های اقتصادی، تجاری و امنیتی فیمابین شدند.
در حاشیه اجلاس رؤسای پارلمان کشورهای عضو «اکو» که در «اسلام‌آباد» پایتخت پاکستان برگزار شد، رئیس پارلمان تاجیکستان و معاون رئیس پارلمان افغانستان، خواستار تقویت همکاری‌های بین پارلمانی میان «دوشنبه» و «کابل» و فراهم کردن شرایط مناسب برای رشد روابط بین پارلمانی شدند.
به گزارش فارس، «شکورجان ظهوراف» رئیس پارلمان تاجیکستان با اشاره به اینکه صلح و ثبات در افغانستان در امنیت و یکپارچگی کشورهای همجوار و منطقه تأثیرگذار است، تصریح کرد که کشورش همیشه خواستار تأمین ثبات و امنیت در کشور دوست و همسایه افغانستان است.
وی افزود: امروز در افغانستان باید طرح‌هایی را عملی کرد که موجب آسایش مردم شود و بیش از همه باید به طرح‌هایی که راه‌آهن تاجیکستان–افغانستان–پاکستان را به هم متصل می‌کند، توجه داشته باشیم.
«نعمت الله غفاری» نائب دوم رئیس پارلمان کشورمان نیز با قدردانی از موضع تاجیکستان در حمایت از افغانستان در سازمان‌های بین‌المللی و جامعه جهانی، خواستار گسترش روابط پارلمانی کشورش با این کشور آسیای مرکزی شد.
وی افزود: ما از دوستان تاجیک به خصوص رئیس‌جمهور این کشور بسیار راضی هستیم زیرا این کشور همیشه صادقانه برای تأمین امنیت، ثبات و بازسازی در کشور ما تلاش و سازمان‌های بین‌المللی را نیز به یاری می‌طلبد.
در این نشست همچنین به مسأله انتقال برق از تاجیکستان به افغانستان و پاکستان در چارچوب طرح «کاسا۱۰۰۰» و نیز توجه به مسأله امنیت منطقه و لزوم توجه به اجرایی شدن سریع این طرح‌ها تأکید شد.
دو طرف با بیان اینکه در حال حاضر شش پل بزرگ تاجیکستان را به افغانستان در زمینه مبادله کالا و رفت وآمد شهروندان متصل می‌کند، تصریح کردند که در چارچوب توافقنامه سه‌جانبه تجارت تاجیکستان، افغانستان و پاکستان، مبادلات تجاری فیمابین تسریع می‌یابد.
در حاشیه اجلاس رؤسای پارلمان کشورهای عضو «اکو» که در «اسلام‌آباد» پایتخت پاکستان برگزار شد، رئیس پارلمان تاجیکستان و معاون رئیس پارلمان افغانستان، خواستار تقویت همکاری‌های بین پارلمانی میان «دوشنبه» و «کابل» و فراهم کردن شرایط مناسب برای رشد روابط بین پارلمانی شدند.
به گزارش فارس، «شکورجان ظهوراف» رئیس پارلمان تاجیکستان با اشاره به اینکه صلح و ثبات در افغانستان در امنیت و یکپارچگی کشورهای همجوار و منطقه تأثیرگذار است، تصریح کرد که کشورش همیشه خواستار تأمین ثبات و امنیت در کشور دوست و همسایه افغانستان است.
وی افزود: امروز در افغانستان باید طرح‌هایی را عملی کرد که موجب آسایش مردم شود و بیش از همه باید به طرح‌هایی که راه‌آهن تاجیکستان–افغانستان–پاکستان را به هم متصل می‌کند، توجه داشته باشیم.
«نعمت الله غفاری» نائب دوم رئیس پارلمان کشورمان نیز با قدردانی از موضع تاجیکستان در حمایت از افغانستان در سازمان‌های بین‌المللی و جامعه جهانی، خواستار گسترش روابط پارلمانی کشورش با این کشور آسیای مرکزی شد.
وی افزود: ما از دوستان تاجیک به خصوص رئیس‌جمهور این کشور بسیار راضی هستیم زیرا این کشور همیشه صادقانه برای تأمین امنیت، ثبات و بازسازی در کشور ما تلاش و سازمان‌های بین‌المللی را نیز به یاری می‌طلبد.
در این نشست همچنین به مسأله انتقال برق از تاجیکستان به افغانستان و پاکستان در چارچوب طرح «کاسا۱۰۰۰» و نیز توجه به مسأله امنیت منطقه و لزوم توجه به اجرایی شدن سریع این طرح‌ها تأکید شد.
دو طرف با بیان اینکه در حال حاضر شش پل بزرگ تاجیکستان را به افغانستان در زمینه مبادله کالا و رفت وآمد شهروندان متصل می‌کند، تصریح کردند که در چارچوب توافقنامه سه‌جانبه تجارت تاجیکستان، افغانستان و پاکستان، مبادلات تجاری فیمابین تسریع می‌یابد.
