وزارت معادن و پترولیم می‌گوید نظام‌الدین قیصاری، قوماندان امنیه ولسوالی قیصار ولایت فاریاب در اداره پیشین، در دیدار با سرپرست این وزارت به سرمایه‌گذاری در بخش معادن و جلب سرمایه‌گذاران ملی و بین‌المللی برای معادن کشور، ابراز علاقه‌مندی کرده است.
تاریخ انتشار :چهارشنبه ۹ جوزا ۱۴۰۳ ساعت ۱۰:۲۶
کد مطلب : 291175
خبرگزاری صدای افغان(آوا) - کابل: دفتر مطبوعاتی وزارت معادن و پترولیم با نشر خبرنامه ای گفته، که نظام‌الدین قیصاری، قوماندان ولسوالی قیصار ولایت فاریاب در اداره پیشین با شیخ شهاب‌الدین دلاور، سرپرست این وزارت دیدار کرده‌است.
در این دیدار، آقای قیصاری با ستایش از تأمین امنیت سرتاسری و تحکیم وحدت ملی در افغانستان، به سرمایه‌گذاری در بخش معادن و جلب سرمایه‌گذاران ملی و بین‌المللی برای معادن کشور، ابراز علاقه‌مندی کرده‌است.
از سویی هم، سرپرست وزارت معادن و پترولیم در این دیدار گفته است، افغانستان خانه مشترک همه افغان‌ها است و آبادی کشور نیز مسوولیت همه ما است.
گفتنی است که بعد از روی کار آمدن امارت اسلامی در کشور تاکنون صدها مسئول حکومت پیشین دوباره به افغانستان برگشته اند.
avapress.com/vdccmsqip2bqos8.ala2.html
تگ ها
پربازدیدترین
