روسیه و تاجیکستان عملیات هوایی در خاک افغانستان را رد کردند

به گزارش خبرگزاری صدای افغان(آوا)،صبح امروز دوشنبه، گزارش‌هایی مبنی بر بمباران قسمتی از ولسوالی درقد ولایت تخار، توسط جنگنده‌های روسی یا تاجیکستانی منتشر شد.

در این مورد، مقامات محلی تخار گفته‌اند که طیاره های جنگی روسی یا تاجیکستانی ساحاتی از ولسوالی درقد ولایت تخار را بمباران کرده‌اند.

اما مقام‌های تاجکستانی عنوان کردند: چند تن از جنگجویان افراطی افغان وارد خاک این کشور شده و دو جنگل‌بان را کشته و یک تن دیگر را زخمی ساخته‌اند.

کمیته امنیت ملی تاجیکستان گفت:  نیروهای سرحدی این کشور عملیاتی را در ساحات نزدیکی مرز دو کشور انجام داده تا این ساحه را از دست افراط‌گرایان افغان پاک‌سازی کنند.

این مقام گفته است که تاجیکستان حق عملیات را در بیرون از مرزهای خود ندارد.

خبرگزاری رویترز نیز به نقل از مقامات امنیتی روسیه اظهار داشت: طیاره های جنگی این کشور در ساحات ولسوالی درقد ولایت تخار افغانستان، عملیاتی نداشته است.