امتحان رقابتی شش پست وزارت معارف برگزار شد

مقامات وزارت معارف میگویند که امتحان رقابتی برای جذب افراد شایسته وبا تعهد در وزارت معارف را اندزی شده است تا وضعیت معارف درسراسر کشوربهبود یابد.

به گزارش خبرگزاری آوا، رحیل‌محمد فرملی، معین تعلیمات تخنیکی و مسلکی وزارت معارف، هنگام اخذ امتحان گفت: که وزارت معارف افغانستان نیازمند به افراد مسلکی و با تعهد می باشد.
وی به داوطلبان گفت: که هیچ کسی حق ندارد که اشخاص پرنفوذ را واسطه خود قرار دهند، چون که این امتحان کاملاٌ بگونه شفاف و رقابتی می باشد.

فرملی علاوه کرد، که چهارده داوطلب در پست‌های شش و در چوکات معینیت تعلیمات تخنیکی و مسلکی، مکتب‌ها و انستیتوت‌های این معینیت در شهر کابل استخدام می شوند

وی تاکید کرد، که معینیت تعلیمات تخنیکی و مسلکی تلاش می‌کند، تا به زودی تمامی پست‌های خالی مکتب‌ها و انستیتوت‌های مربوطه‌اش را در مرکز و ولایت‌های کشور پس از برگزاری آزمونی که به شکل رقابت آزاد برگزار می‌گردد، تکمیل نماید.

موصوف اظهارداشت، که این امتحان در سه دوره برگزار گردیده است که هم خواهران و برادران اشتراک کرده اند.