د امریکا په ملاتړ د سولې د خبرو تر پیل مخکې اسراییل د ښه نیت څرګندولو لپاره شپږ ویشت فلسطیني زندانیان خوشې کړل.
رپوټونه څرګندوي چې؛ د دغو کسانو له ډلې ډیرو د اسراییلي ملکیانو په ګډون د خلکو پر وژنه اعتراف کړی وو او یو شمیر هم هغه کسان دي چې؛ له مشکوکو فلسطینیانو سره یې همکاري کړې وه.
دا کسان پرون ناوخته له اسراییلي زندانونو خوشي شول.
اسراییل ژمنه کړې ده چې؛ یوسل او څلور فلسطیني زندانیان په څلور پړاوونو کې د سولې د خبرو له پرمختګ سره خوشې کړي.