د پاکستان پوځ وایي چې د کشمیر پر وېشونکې پوله د هندي او پاکستاني پوځیانو تر منځ نښته کې یو پاکستانی پوځي وژل شوی او دوه نور ټپیان دي.

د پوځ په وینا په دې پېښه کې دوه ملکیان هم ټپیان شوي دي.
د پاکستاني پوځ ویاند په یو بیان کې ویلي چې هندي عسکرو د کشمیر پر وېشونکي پوله په بروه او چیري کوټ سیمو کې یو ځل بیا له اوربنده سرغړونه کړې ده.
د هغه په خبره په ځوابي برید کې یې د هندي پوځ دوه پوستې ویجاړې کړې او تر پنځو پورې عسکر هم وژل شوي دي.
هند تر اوسه په دې اړه څه نه دي ویلي. دا په داسې حال کې ده چې تېره میاشت هم په همدې سیمه کې د هندي پوځیانو په برید کې دوه پاکستاني عسکر وژل شوي وو.

ستاسو نظر

مربوطه لیکنې

تازه ترین خبرونه