د انتخاباتي شکایتونو کمیسیون وایي، که چیرې د جمهوري ریاست کوم کاندید د رایو د تفتیش او ابطال د لایحې د عملي کیدو په اړه کوم شکایت ولري نوکولای شي په دې اړه یاد کمیسون ته شکایت وکړي.
د دغه کمیسون منشي او ویاند نادرمحسني نن خبریالانو ته وویل، چې دوي حاضردي څو د قانون له مخې له دغه ډول مواردو سره چلند وکړي:
″که دواړه کاندیدان د رایو د تفتیش یا ابطال د لایحې په اړه کومه سرغړونه ویني، کولای شي په دی اړه رسما شکایت ثبت کړي څو موږ یا د هغو صندوقونو په بیا تفتیش کولو اقدام وکړو او یا هم د هغوي اعتراضي موارد رفع کړو.″
ښاغلي محسني زیاته کړه چې؛ د انتخاباتي شکایتونو کمیسیون پرون رسما د راېو پاڼود تفتیش او ابطال لایحه ترلاسه کړه او دوي حاضردي چې د دغې لایحې د عملي کیدو څارنه وکړي.