د کندهار ولایت مسوولین وایي، وسله والو د ملي پيوستون د پروګرام له هغو پنځو کارکوونکو څخه چې تښتولي یې وو؛ دوه تنه وژلي او درې یې بېرته خوشې کړي.
ویل کیږي، دغه کسان د تېرې چهارشنبې په ورځ د کندهار له تخته پل ولسوالۍ نه د نا معلومو وسله والو کسانو له خوا تښتول شوي وو.
د کندهار مطبوعاتي دفتر نن وویل چې؛ دغو کسانو په سیمه کې د ملي پيوستون پرمختیایي پروګرامونه مخ ته وړل.
دوی وایي چې، دغه کسان وسله ه والو والو طالبانو تښتولي وو؛ خو طالبانو تر اوسه په دې اړه څه نه دي ویلي.