د افغانستان، تاجکستان او روسیې د سرحدي خدماتو مشرانو پرون په شېرخان بندرخان په خپل منځ کې د سرحدي همکاریو پروتوکول لاسلیک کړ.
د تاجکستان د پوله ساتو د ریاست ویندوی خشنود رحمت الله یف وویل، د دې سند پراساس به درې هیوادونه په سرحدي چارو کې معلومات تبادله کوي، همکارۍ پراخوي او ګډ عملیات ترسره کوي.
دا سند د افغانستان د سرحدي پولیسو قومندان جنرال ګل نبي احمدزي، د تاجکستان د سرحدي ځواکونو قومندان ډګرجنرال شېرعلي میرزا او د روسیې د سرحدي قواوو قومندان جنرال ولادیمیر کولیشوف د تاجکستان پولې ته نژدې د افغانستان د کندوز ولایت په شېرخان بندر کې لاسلیک کړ
سرچينه : دصدای افغان خبری اژانس(اوا)
