د ملي امنیت عمومي ریاست د کابل د چهاراسیاب ولسوالۍ لپاره د طالبانو د معارف نومول شوی مدیر نیولی دی.
د ملي امنیت مطبوعاتي دفتر وایې، چې میاګل په تخریبي فعالیتونو، د طالبانو ډلې ته د خلکو په جذب او د چهاراسیاب په ولسوالۍ کې ښونځیو ته د نجونو د تګ د مخنیوي په برخه کې فعالیت کاوه.

د سرچینې په حواله نوموړي اعتراف کړی چې؛ اوه کاله مخکې په پاکستان کې د طالبانو لیکو ته جذب او د چهار اسیاب ولسوالۍ لپاره د طالبانو د ښونې استازی و ټاکل شو.