د افغانستان د اسلامي جمهوریت جمهور رئیس حامد کرزي نن غرمه د افغانستان لپاره د روسیې له ځانګړي استازي ضمیر کابلوف سره په ارګ کې وکتل.
په دغه کتنه کې دواړو لورو د سولې د پروسې، په قطر کې د طالبانو د دفتر د پرانیستلو او د یو شمېر سیمه ایزو مسلو په اړه خبرې وکړې.
د افغانستان لپاره د روسیې ځانګړي استازي د خپل هېواد پر دریځ باندې ټینګار وکړ، وې ویل چې روسیه یوازې او یوازې د سولې له هغې پروسې څخه ملاتړ کوي چې د افغانستان په مشرۍ او مالکیت ترسره شي.