ایساف وایي، چې په تیرو دوو کلونو کې شپږ زره وسله والو مخالفانو له جګړې لاس اخیستی او د دوی د بېرته راستنولو پروګرام له لارې عادي ژوند ته راګرځیدلې دي.

د ایساف ځواکونو مرستیال "جنرال ډيویډ وارنر" نن په یوه خبری غونډه کې وویل چې دغو کسانو ته د دغه پروګرام له لاری د کار زمینه هم برابره شوې ده.

"تروسه د پنځه زره او نه سوه تنو له جملې څخه چې دغه پروګرام سره یو ځای شوي څلور زره او پنځه سوو ته د کار زمینه برابره شوې ده.
البته دغه اسانتیاوې د وزارتونو له خوا برابرې شوي دي.

د ښاغلي وارنر په وینا د دغه پرواګرام له لاری هڅه کیږي؛ چې وسله وال له مخالفته عادې ژوند ته راوګرځول شي. 
سرچینه: ازادی رادیو