د افغانستان د کورنیو چارو وزارت وايي، د هرات د مسئولینو د دې ادعا په اړه به چې د جهادي قومندانانو د شورا له خوا په دې ولایت کې په خلکو وسله ویشل کیږې، څیړنې وشي.
د دغه وزارت ویاند صدیق صدیقي وايي، امنیتي مسئولین به په هیڅ صورت دې کار ته اجازه ور نه کړي.
د هرات د والي ویاند محي الدین نوري پرون ته وویل، چې د جهادي قوماندانو په نوم شورا چې ویل کیږي په دې وروستیو کې د اوبو او انرژۍ وزیر اسمعیل خان په نوښت جوړه شوې، خلکو ته وسلې ویشي.
پخواني جهادي قومندان او د اوبو او انرژۍ وزیر محمد اسمعیل تیره اونۍ په هرات ولایت کې د خپلو پلویانو په یوه غونډه کې وویل؛ د پخوانیو مجاهدینو پر یوه لوی تشکیل کار روان دی او که اړتیا پیدا شي، د پخوا په څېر به دوی وسلې ته لاس کړي.
د مشرانو جرګې یو شمېر غړیود تیرې یکشنبی په ورځ د اوبو اوانرژۍ د وزیر د خبرو په وړاندې عکس العمل ښکاره کړ، دوی وایي اسمعیل خان په دغه ډول څرګندونو سره افغانستان بیا د کورنۍ جګړې اور ته غورځوي.
په مزارشریف کی د امریکا قونسل پرون د اسمعیل خان وروستیو څرګندونو ته په اشاره وویل، د نړېوالې ټولنې په تیره بیا د امریکا په مرسته د افغانستان غښتلي ملي امنیتي ځواکونه جوړ شوي او نور د وسله والو ډلو جوړیدو ته اړتیا نشته.
دریافت صفحه با کد QR