۲۱ توغندي د شیګل ولسوالۍ په شلطن دره او پنځه دیرش نور د دانګام ولسوالۍ په بیلابیلو سیمو لګیدلي دی.

د کونړ سیمه ییز چارواکي وایي، چې تیره شپه هم د دغه ولایت په دانګام او شیګل ولسوالیو باندې د پاکستان له لوري څه باندې پنځوس توغندي راغلي.

د دغه ولایت والي سیدفضل الله وحیدی ازادي راډیو ته وویل چې ۲۱ توغندي د شیګل ولسوالۍ په شلطن دره او پنځه دیرش نور د دانګام ولسوالۍ په بیلابیلو سیمو لګیدلي دی.

نوموړي زیاته کړه چې د دغو توغندیو د لګیدو له امله مرګ ژوبله نه ده رامنځ ته شوې.

د کونړ چارواکي وایي د تیرو څلورو میاشتو راهیسې د دغه ولایت په سرحدي ولسوالیو د پاکستان له لوري څه باندې دوه زره توغندي راغلي دی.