د افغانستان د دفاع وزارت هغه ادعاوې بې اساسه ګڼلې دي، چې وايي پرون لس هاوو وسله وال طالبان له افغانستان څخه پاکستان ته تللي دي او د دوي پر پوځي پوستو يې حمله کړې ده .
پاکستاني چارواکي وايي، چې پرون تر ۱۰۰ زيات وسله وال د افغانستان له پولې ور اوښتي دي او د پوځ پر يوه پوسته يې وسله واله حمله کړې ده .
په دې حمله کې شپږ پاکستاني عسکر وژل شوي دي.
د پوځ چارواکو ويلي، چې لږترلږه ۱۱ حمله کونکي هم په متقابلو ډزو کې وژل شوي دي.
د ملي دفاع د وزارت وياند جنرال محمد ظاهر عظيمي نن ازادي راډيو ته وويل ، چې د پاکستان له لوري دا ادعا حقيقت نه لري.
دریافت صفحه با کد QR