د ملي شورا غړو او د ښځو د حقونو یوشمېر فعالانو غوښتنه وکړه؛ چې د توکیو کانفرانس ګډونوال باید د خپلو مرستو دېرش فیصده برخه د افغان ښځو د وضعیت ښه والي ته ځآنګړې کړي.
د ملي شورا غړو او د ښځو د حقونو فعالانو نن په کابل کې په یوه خبري غونډه کې په دې اړه افغان حکومت او نړیوالې ټولنې ته ځینې وړاندیزونه هم وکړل.
د ولسي جرګې د ښځو چارو د کمیسیون مشرې فوزیه کوفي د خپلو وړاندیزونو یوه برخه داسې ولوسته:
″کومه بودیجه چې افغانستان ته راځي، په هغې کې باید دیرش فیصده د ښځو د بې وزلۍ او بې کارۍ د له منځه وړلو او د دوی اقتصادي ودې ته ځانګړې شي.
موږ له افغان حکومت نه غوښتنه کړې، چې پنځه کلیدي وزارتونو ښځو ته ځانګړي کړي.″
د غونډې ګډونوالو په افغانستان کې د ښځو په وړاندې د تاوتریخوالي د زیاتیدو په اړه هم اندیښنه وښوده.
دریافت صفحه با کد QR