دغه عملیات د وټه پور او ماڼوګۍ په ولسوالیو کې هغه مهال وشول، چې د دولت وسله والو مخالفینو په ایتلاف ځواکونو برید وکړ.

د نړېوالو ځواکو په هوايي برید کې تیره شپه په کونړ کې یوویشت تنه وسله وال مخالفین وژل شوي دي.

د کونړ د والي ویاند واصف الله واصفي په سیمه کې د ازادۍ راډیو ته خبریال ته ويلي، چې دغه عملیات د وټه پور او ماڼوګۍ په ولسوالیو کې هغه مهال وشول، چې د دولت وسله والو مخالفینو په ایتلاف ځواکونو برید وکړ.

واصفي وایي، چې په دې برید کې افغان امنیتي ځواکونو او ملکي خلکو ته تاوان نه دی رسیدلی.

خو د دولت وسله والو مخالفینو بیا پدې هکله تر اوسه څه نه دي ویلی.