د کابل بانک د حسابونو د تصفیې مدیر عبدالحمید محبي وکیلانو ته د هغو څلورویشتو کسانو نومونه هم افشا کړل چې د پیسو له بیرته سپارلو نه ډډه کوي.

د افغانستان د مالیې وزیر وايي، د هغو کسانو د محاکمه کولو لپاره به په راتلونکو دوو اونیو کې ځانګړې محکمه جوړه شي چې له کابل بانک څخه وړې پیسې یې تر اوسه بیرته نه دي سپارلي.

د مالیې وزیر حضرت عمر زاخیلوال دغه خبره د ولسي جرګې عمومي غونډې ته وکړه.

د کابل بانک د حسابونو د تصفیې مدیر عبدالحمید محبي وکیلانو ته د هغو څلورویشتو کسانو نومونه هم افشا کړل چې د پیسو له بیرته سپارلو نه ډډه کوي.

په دوي کې د ولسمشر حامد کرزي او د هغه د لومړي مرستیال قسیم فهیم ورونه هم شامل دي:

(شیرخان فرنود: ۲۷۹ میلیونه ډالره، حسین فهیم د خپل سهم له درکه څلور عشاریه څلور ملیونه، محمود کرزی د خپل سهم له درکه ۱۶ ملیونه ډالره)

له کابل بانک څخه د پوروړو کسانو لپاره د ځانګړې محکمې د جوړیدو امر خپله جمهور رئیس حامد کرزي کړی.