کرزي د تاجکستان د درې ورځني سفر په لړ کې د ريکا يا د افغانستان لپاره د سيمه ييزو اقتصادي همکاريو په پنځم کنفرانس کې هم ګډون کوي.

د افغانستان ولسمشر حامد کرزي په تاجکستان کې دی چې په څو غونډو کې د ګډون ترڅنګ له تاجک او ايراني ولسمشرانو سره د نوروز جشن ولمانځي.

کرزي د تاجکستان د درې ورځني سفر په لړ کې د ريکا يا د افغانستان لپاره د سيمه ييزو اقتصادي همکاريو په پنځم کنفرانس کې هم ګډون کوي.

د افغانستان د ولسمشر د دې سفر په مهالوېش کې د افغانستان، تاجکستان، ايران او پاکستان په څلور اړخيزه غونډه کې ګډون هم شامل دي.

په دې غونډه کې د څلورو هېوادونو ترمنځ پر اقتصادي او سياسي اړيکو او د هغو د پراختيا پرلارو چارو خبرې کېږي.