حامدکرزي، نن له غرمې وروسته له ولادیمیر پوتین سره د یوې ټلیفوني اړیکې په ترڅ کې له خپلې خوا او د افغانستان د خلکو په استازیتوب هغه ته د روسیې د جمهوررئیس په توګه د انتخاب له امله
مبارکي وویله.

د افغانستان د اسلامي جمهوریت جمهوررئیس حامدکرزي، نن له غرمې وروسته له ولادیمیر پوتین سره د یوې ټلیفوني اړیکې په ترڅ کې له خپلې خوا او د افغانستان د خلکو په استازیتوب هغه ته د روسیې د جمهوررئیس په توګه د انتخاب له امله
مبارکي وویله.

د رپوټونو له مخې، د جمهوري ریاست د څوکۍ لپاره په روسیه کې تېره ورځ انتخابات ترسره شول چې لومړیو اعلان شویو نتایجو په پایله کې ولادیمیر پوتین د ۶۴٪ په شاوخوا کې رایې ترلاسه او د روسیې د جمهوررئیس په توګه وټاکل شو.

د افغانستان جمهوررئیس په دغه ټیلیفوني اړیکه کې له خپل روسي سیال سره په بېلا بېلو برخو کې د افغانستان او روسیې تر منځ د دوه اړخیزو اړیکو د پراختیا او په نږدې راتلونکي کې د دواړو هېوادونو د مشرانو تر منځ د کتنې په اړه خبرې
اترې وکړې.