د بدخشان ولايت دامنيې قوماندانۍ مسوولينو په دغه ولايت کې دکروندګرو او عامو خلکو لپاره د نشه يي توکو د زيانونو او دکوکنارو دکرکيلې دمخنيوي په باب دپوهاوي دپيلولو اعلان کړى دى په دې کمپاین کې لسو ولسوالیو برخه اخیستې وه.

آوا - مزارشریف: د بدخشان د امنیې قوماندانۍ د نشه یی توکو پر وړاندې د مبارزې مدیر شفیق الله حافظی وایی: د نشه یی توکو د زیانونو په اړه د عامه پوهاوی او د کوکنارو د کرکیلې د مخنیوی په موخه کمپاین پیل شوی دی. 
ده زياته کړه: د نشه يي توکو د زيانونو په باب د پوهاوي د کچې د لوړولو او د کوکنارو د کرکيلې د بندولو په دغه کمپاين کې په زرګونو بزګرانو او د ټولنې د بېلابېلو طبقو ګډون کړى و او دغه کمپاين له دوو مياشتو راهيسې د بدخشان ولايت په لسو ولسواليو کې پيل شوى دى. "
د بدخشان ولایت امنیه قوماندان په دغه ولایت کې د کوکنارو د لمنځه وړلو په موخه د پراخو عملیاتو د پیل اعلان وکړ او زیاته یې کړه، چې د کوکنارو د لمنځه وړلو په موخه له ۱۵۰۰ څخه زیات امنیتي ځواکونه د اسلامي امارت د حکومت د دریځ له امله د کوکنارو د لمنځه وړلو په موخه په عملیاتو بوخت دي. د کوکنارو د کښت د له منځه وړلو موضوع جدي ده.
هغه وايي: د بدخشان ولايت اوسېدونکو ژمنه کړې وه چې کوکنار به نه کري، خو له بده مرغه تر درې سوو ډېر کسان د کوکنارو د کرلو په جرم نيول شوي دي.
د يادونې وړ ده، چې په بدخشان ولايت کې د کوکنارو د کښتونو د له منځه وړلو له پړاوونو څخه خبرتيا، اخطار، له کروندګرو څخه د ضمانت اخيستل، نيول او عدلي او قضايي مرکزونو ته سپارل هغه پړاوونه دي.