د فلسطین خلک له اوو لسیزو څخه د زیاتې مودې لپاره د تاریخ د ترټولو بدو قوتونو په وړاندې په تش لاس ولاړ دی/ نړۍ د ملګرو ملتو د بې کفایتۍ او د صهیونیسټي تروریستي دولت د بی عملي شاهده ده

افغان غږ خبری آژانس - تهران: د فلسطین له خلکو سره د پیوستون د نړیوالې ورځې په مناسبت د ایران د اسلامی جمهوریت د ولسمشر ډاکټر مسعود پزشکیان د پیغام بشپړ متن په لاندې ډول دی:

بسم الله الرحمن الرحیم 

د نومبر ۲۹مه د فلسطین له خلکو سره د پیوستون نړیواله ورځ ده، د هغو خلکو د زړورتیا، استقامت، ازادۍ او عدالت سره د نړۍ د پیوستون ورځ ده چې د هغو ظالمو قوتونو په وړاندې په تش لاس ولاړ دي چې تاریخ یې له اوو لسیزو څخه زیات لیدلی دی. هغه ځواکونه چې د کوچنیانو ژوند اخلي، بې دفاع خلک وژني، د خلکو کورونه ورانوي او د ستر اتلان وژل په بې شرمۍ سره خپل ویاړ ګڼي.

د فلسطین له خلکو سره د پیوستون د ورځې د ټاکلو لپاره د ملګرو ملتو اقدام یو ارزښتناک خو کافي اقدام نه دی. تېر کال په همدې ورځ د وژل شویو فلسطینیانو شمېر ۱۴۰۰۰ وو، خو اوس موږ له ۵۳۰۰۰ مړو او ورکو شویو او تر سل زرو ډېر ټپیان سره مخ یو، چې له شپیتو په سلو کې یې ښځې، ماشومان او بوډاګان دي. له څه باندې یوه کال راهیسې د نړۍ خلک له ملګرو ملتونو څخه په دې لټه کې دي چې د فلسطین د خلکو له نسل وژنې سره د مقابلې لپاره یوه لاره ومومي، د جګړې اور چې نورو هیوادونو ته خپور شوی دی، کنټرول کړي او د فلسطین د خلکو د وژلو د دریدو لپاره لاس په کار شي خو له بده مرغه په ​​دې موده کې د نړۍ ټول ازادي غوښتونکي او بیدار وجدان د ملګرو ملتونو د بې کفایتۍ او د هغو تروریستانو د معافیت شاهدان دي چې د سیاستوالو جامې اغوندي او په ملګرو ملتونو کې نورو ته تبلیغ کوي.

د فلسطين او د اسرائيلي رژيم له حملو څخه د متاثره شويو نورو هېوادونو ننني حالات ثابتوي چې د فلسطين له خلکو سره د خواخوږۍ لپاره تر ټولو موثر او چټک اقدام د صهيونېسټ رژيم ځپل او د دغه سرطاني تومور د نړيوال ملاتړ بندول دي. صهیونیسټ رژیم د ملګروملتونو د منشور په لغوه کولو سره چې د دغه سازمان د غړیو له خوا منل شوی تړون دی، نړیوالو نورمونو او ارزښتونو ته د ژمنتیا نه شتون ښودلی دی. دا به په تاریخ کې ثبت وي چې د ولسي وګړو پراخ قتل عام، پر روغتونونو بریدونه، د غزې د خلکو لپاره د اوبو، خوراکي توکو، سونګ توکو او درملو پرې کول، د زرګونو خلکو بې کوره کول، د خبریالانو او د نړیوالو موسسو د کارکوونکو وژل او د سید حسن نصرالله، اسماعیل هنیه او د یحیی سنور شهادت د غربي دولتونو په ځانګړې توګه د امریکا په ملګرتیا سره وشو او هر وخت د جګړې د بندولو او د ماشومانو د وژلو هڅې وشوې. د ملګرو ملتونو په امنیت شورا کې د امریکا د متحدو ایالتونو استازی بې اغېزې پاتې شو.

د ایران اسلامي جمهوریت د فلسطین له خلکو سره د پیوستون د نړیوالې ورځې په ویاړ لمانځي او په عین حال کښې د فلسطین د خلکو د وژلو په وړاندې د دغه سازمان د اقداماتو په وړاندې خبرداری ورکوي. نن ورځ د فلسطین په خلکو باندې شوي ظلمونه د نړۍ پام او عمل ته اړتیا لري او د هغې په وړاندې چوپتیا د شر او ظلم معمول کول دي چې د انسانیت راتلونکی ننګوي. که نن ورځ ملګري ملتونه او په ځانګړې توګه د امنیت شورا د فلسطیني خاورې له نیواکګرو سره د مقابلې لپاره لاره پیدا نه کړي، د دغه سازمان اعتبار او وقار به له جدي ګواښ سره مخ شي.

نن ورځ موږ د آزاد او خپلواک فلسطین د مسئلې د بشپړ ملاتړ لپاره پر خپلې ژمنې ټینګار کوو او په دې برخه کې د فلسطین د خلکو تر څنګ ولاړ یو. د ایران اسلامی جمهوریت د آزادۍ، مساوات، عدالت او بشری حقوقو اصولو ته ژمن ټولو هیوادونو سره ملګرتیا ته چمتو دی او د فلسطین د خلکو دفاع د نړۍ د ټولو ازادو خلکو غوښتنه ګڼی. د ایران اسلامي جمهوریت لا هم د کډوالو راستنیدل او د مسلمانانو، مسیحیانو او یهودانو په ګډون د فلسطین د اصلي خلکو ترمینځ د ټولپوښتنې ترسره کول د ډیموکراټیکو اصولو او نړیوالو قوانینو پراساس د فلسطین د مسئلې د حل یوازنی اصول ګڼي. بې له شکه په دې دردناکه او نابرابره جګړه کې حتمي ګټونکي هغه کسان دي چې اراده لري چې د نړۍ تر ټولو سترې پوځي وسلې یې د بریا په لاره کې د دوی په هوډ کې خنډ رامنځته نه کړي.

السلام علیکم ورحمت الله وبرکاته