د نيمروز ولايت د بدني روزنې رياست مسوولين وايي، چې د دغه ولايت په چخانسور ولسوالۍ کې د ۶ لوبډلو ترمنځ د فوټسال سيالۍ پيل شوې دي.

آوا - هرات: د نیمروز ولایت د بدني روزنې او سپورت رئیس قاري احمدشاه مبارز وايي چې د «اخوت کپ» تر نامه لاندې د فوټسال سیالۍ په دوو ګروپونو کې د ۶ ټیمونو ترمنځ د ظهیر الدین عالي لېسې په تالار کې ترسره شوې. 
د هغه په ​​وينا، دغه سيالۍ د فوټبال فدراسيون د ځوانانو کمېټې له خوا د دې ادارې په ملاتړ او همکارۍ د دې ولسوالۍ د ورزشي امريت د مسوولينو، د فوټسال ټيمونو، د ښوونځيو د ښوونکو او د ټيم د روزونکو په شتون کې پيل شوې دي.
قاري مبارز زياته کړه: د دغو سياليو له ترسره کولو څخه موخه د ولسواليو ترمنځ د ورزش وده او پراختيا او د ولايتي سياليو لپاره د دې ولسوالۍ د استازي معرفي کول دي.
ده زیاته کړه: دغه سیالۍ به په ګروپونو کې ترسره شي او د نمرو ترلاسه کولو لپاره به درې اونۍ وخت ونیسي.