د میدان وردګ ولایت سیمه ییز چارواکي وايي، په دغه ولایت کې د یو میلیون ډالرو په لګښت د قلمانو یوه فابریکه په کار پیل وکړ.

آوا - کابل: د چارواکو په وینا، دغه فابریکه د یو میلیون ډالرو په پانګونه جوړه شوې او شلو کسانو ته په کې د کار زمینه برابره شوې ده.

د دې فابریکې مسوولین وايي، په راتلونکي کې پلان لري چې په همدې ورکشاپ کې د اتومات قلمونو د تولید لړۍ پیل کړي.

د يادونې وړ ده، چې په هېواد کې د ملي امنيت په ټينګښت سره د هېواد په مرکز او يو شمېر ولايتونو کې نويو فابريکو په کار پيل کړى دى.