آوا - کابل: لوبه د دوشنبې په ورځ د عقرب په ۲۸مه په متحده عربي اماراتو کې پیل شوه، چې د متحده عربي اماراتو لوبډلې د افغانستان ۱۹ کلنو کرکټ لوبډلې ته د ۱۶۹ منډو په توپیر ماتې ورکړه.

 

د افغانستان د ۱۹ کلنو ملي لوبډلې لومړی توپ وهنه پیل کړه او په ټاکلو ۵۰ اورونو کې یې د پنځو لوبغاړو په سوځېدو سره ۳۵۹ منډې جوړې کړې.

 

د دې لوبې د ګټلو لپاره د متحده عربي اماراتو کرېکټ جونیرانو باید ۳۶۰ منډې جوړې کړې وای، خو په ۵۰ اورونو کې یې یوازې ۱۹۰ منډې جوړې کړې او لوبه یې افغانستان ته وبایلله.

 

د افغانستان د کرکټ د ۱۹ کلنو ملي لوبډلې په دې سیالیو کې په خپله لومړۍ لوبه کې پاکستان ته په ۱۰۰ منډو ماتې ورکړه.

 

دغه سیالۍ د متحده عربي اماراتو په کوربه توب د افغانستان، پاکستان او متحده عربي اماراتو د لوبډلو ترمنځ ترسره شوې.