د افغانستان د فوټبال ملي لوبډلې په یوه دوستانه لوبه کې د نیپال د فوټبال ملي لوبډلې څخه د ۲-۰ په توپیر ماتې وخوړه.

آوا: دغه لوبه پرون (شنبه د عقرب ۲۶) د کابل پر وخت د مازدیګر ۵:۳۰ بجې د تاجکستان په پلازمېنه دوشنبه کې پیل شوه.

د دې لوبې لومړۍ نیمايي د ۰-۰ په مساوي پای ته ورسېده، خو د نیپال لوبغاړو په دویمه نیمايي کې د افغانستان پر وړاندې دوه ګولونه وکړل.

دا د افغانستان د فوټبال د ملي لوبډلې لومړۍ لوبه وه چې د ازبکستان د روزونکي عثمان توشیف په مشرۍ ترسره شوه.

د افغانستان د فوټبال ملي لوبډله به سبا یکشنبه په یوه بله دوستانه لوبه کې له تاجکستان سره مخامخ شي.