آوا - هرات: په هرات کې د بهرنیو چارو وزارت مرستیال رحمت الله فیضان په خپل ایکس اکونټ کې اعلان وکړ چې د مالیزیا د تیلو او ګازو تر ټولو لوی شرکت پیټروناس په افغانستان کې د همکارۍ او پانګونې د دوام ژمنه څرګنده کړې ده.

ښاغلي فیضان یادونه وکړه چې د مالیزیا د نفتو او ګازو لوی شرکت ژمنه کړې چې د کانونو او پټرولیم وزارت تخنیکي کارکوونکو ته به لازمې زده کړې ورکړي او له دغه وزارت سره به په بېلابېلو برخو کې همکاري وکړي.

د هغه په ​​وينا، له پيټروناس سره همکاري چې په ماليزيا او لسګونو نورو هېوادونو کې پراخه پانګونه لري، کولاى شي د افغانستان د کانونو د سکټور په پراختيا او ظرفيت لوړولو کې د پام وړ مرسته وکړي او زموږ د خلکو لپاره د اقتصادي فرصتونو په زياتولو کې اغېزمن رول ولوبوي.

پیټروناس چې په نړۍ کې د تیلو او ګازو له سترو شرکتونو څخه شمیرل کیږي، په افغانستان کې د پانګونې لپاره جدي ژمنتیا ښودلې او په مالیزیا او نورو هیوادونو کې په پراخو پانګونو سره به د دغه هیواد د کانونو د سکتور په پراختیا کې مهم رول ولوبوي .